Avokati i Veselit flet për një dëshmitar që pritet të paraqitet në gjyqin ndaj ish-krerëve të UÇK-së

Ben Emmerson, avokat i ish-kryeparlamentarit Kadri Veseli, në seancën e sotme përgatitore foli për dëshmitë e dëshmitarëve që pritet të paraqiten në gjykimin ndaj klientit të tij dhe tre ish-krerëve tjerë të UÇK-së në Gjykatën Speciale në Hagë.

Emmerson, teksa foli për listën e dëshmitarëve, përmendi një nga ta, dëshmia e të cilit tha se do të marrë kohë në gjykim.

“Është një dëshmitar i cili ka dhënë dëshminë e katër gjyqeve të mëparshme, ka bërë tetë intervista me ZPS-në, ka dhënë deklarata në një munër procesesh të tjera penale ndërkombëtare, që të gjitha do të paraqiten këtu”, tha avokati britanik, duke theksuar se ky dëshmitar nuk është ende i mbrojtur.

Kjo çështje, sipas vlerësimit të tij, do të marrë kohë dhe do të duhen orë të tëra për trajtim.