Kryetari i Komunës së Obiliqit nga radhët e AAK-së, Xhafer Gashi, sot ka pritur në takim Zv.kryeministrin Besnik Tahirin, të cilin e ka njoftuar me situatën aktuale me pandeminë në komunën e Obiliqit, ka kërkuar që Qeveria e Republikë së Kosovës të ofrojë përkrahje për institucionet e nivelit lokal, ka shkruar Gashi në Facebook, përcjell “Bota sot”.
Më tej ka thënë se Zv.kryeministri Tahiri, u zotua se institucionet qendrore do të përkrahin komunat në vazhdimësi.
Postimi i plotë:
Sot, në një takim me Zv.kryeministrin e Republikës së Kosovës, z.Besnik Tahiri, e njoftova për situatën aktuale me pandeminë Covid-19 në komunën e Obiliqit dhe sfidat me të cilat po ballafaqohemi në këtë kohë, po ashtu, kërkova nga Zv.kryeministri Tahiri, që Qeveria e Republikës së Kosovës të ofrojë përkrahje për institucionet e nivelit lokal duke patur parasysh se komunat janë institucioni i parë dhe më i afërt për qytetarët në këtë betejë me virusin Covid-19.
Në anën tjetër, Zv.kryeministri Tahiri, u zotua se institucionet qendrore do të përkrahin komunat në vazhdimësi, sepse sfida me këtë pandemi është e përbashkët dhe përmes koordinimit ndër-institucional do të ofrohen mundësi më të mira për qytetarët.
Xhafer Gashi
