Sipas gjeneralit shqiptaro-amerikan Muharrem Maralusha, kryeministri i Mbretërisë Spanjolle Pedro Sanchez ishte për vizitë në Shqipëri, që të sigurohej se Qeveria e Shqipërisë nuk do të përfshihej në mbrojtje të Kosovës, në rast të ndonjë sulmi apo invazioni ushtarak në veri të saj nga Serbia.
Sipas Maralushës, Edi Rama këtë premtim ia dha kryeministrit spanjoll Pedro Sanchez, i cili kishte shkuar në Tiranë të hënën enkas për t’ia përcjellë këtë mesazh Ramës, përkatësisht për ta marrë premtimin, që e kërkonte presidenti i Serbisë Vuçiq.
“Kryeministri spanjollë Pedro Sanchez e vizitoi Shqipërinë me një detyrë specifike. Ai shkoi me i thonë Edi Rames (vëllai i Vuçiqit) që të mos ndërhynë me e ndihmue Kosovën, në qoftë se Serbia ndërhyn me ushtri në Kosovë. Edi Rama ja dha fjalën se ai është për një zgjidhje paqësore të çdo konflikti në Ballkan”, ka shkruar disa minuta më parë në faqen e tij në Fb, gjenerali në pension, Maralusha.
