Vrasja e Fehmi Aganit, për njohësit e zhvillimeve të luftës dhe pas luftës në Kosovë, nuk ka asnjë sekret. Përkundrazi, ajo është përmbushje e vullnetit të Serbisë dhe të forcave të majta shqiptare, që merreshin me organizim të luftës, por edhe me eliminimin e njerëzve kryesor që e mbështesnin Ibrahim Rugovën, president të shqiptarëve.
Kështu, sipas gjeneralit shqiptaro-amerikan, Muharrem Maralusha, i cili ka reaguar menjëherë pas botimit të tekstit analitik, të Idriz Morinës në “Bota sot”, ua shuan ‘dëshirën’ publikut për të kuptuar misterin e vrasjes së Fehmi Aganit. Vrasja sipas tij u bë për të përmbushur dëshirat e dy palë kundërshtarëve të Rugovës.
“Vrasja e Fehmi Aganit, nuk është aspak misterioze! Vrasja e Fehmi Aganit, ishte plotësim i dëshirës së Serbisë në një anë, sepse Agani ishte Dora e Djathtë e Ibrahim Rugovës, i cili mbështetej nga SHBA-të, dhe në anën tjetër konkurrenca më e madhe e së majtës Kosovare që ma vonë u njohë si Shtabi Politik i UÇK-së në krye me “Dajen e Madh,” (Azem Syla dhe shokët e tij që ne sot i dimë se kush janë”, shkroi gjenerali Maralusha, mbi linkun e shkrimit për Fehmi Aganit.
Sipas shkrimit të Morinës, vrasja e Fehmi Aganit, u ndihmua nga kundërshtarët e Rugovës, të cilët nuk e lejuan Aganin, që të futej i gjallë në Maqedoni, edhe pse kishte arritur shëndoshë e mirë me tren. Treni u kthye që të vritej Agani.
( PS: Idriz Morina, e keni pelqimin e mij te plote qe ta postoni ne “BOTA SOT”.
