Shefi i diplomacisë së Togos, Robert Dussey, gjatë një deklarate të fundit ka thënë se tërheqja e njohjes për Kosovën është “përfundimtare”.
Togo e kishte njohur Pavarësinë e Republikës së Kosovës në vitin 2014.
Por, tash po del se e ka revokuar përnjëmend këtë qëndrim.
“Ne në Togo e njohim vetëm një Serbi, atë uniken. Më vjen mirë që e përmendët tërheqjen e njohjes së Kosovës, ajo tërheqje është përfundimtare,” – është shprehur Dussey.
Ai shtoi se 54 shtetet afrikane përbënin një të tretën e shteteve anëtare të OKB-së, duke u ankuar se diplomacia serbe për një moment ishte larguar nga Afrika për t’u rikthyer sërish përmes Ivica Daçiq.
E ky i fundit ndërkohë shtoi se pas vizitës së tij në këtë shtet, Togoja kishte vendosur të tërhiqte njohjen e Kosovës.
Dussey do të takohej edhe me presidentin serb Vuçiq dhe me ministren e jashtme Bërnabiq.
