Rasti i parë i lisë së majmunit është regjistruar edhe në Malin e Zi. Bëhet fjalë për një shtetas malazez, i cili është në gjendje të mirë dhe pa ndonjë komplikim të theksuar shëndetësor, thuhet në një njoftimin e Institutit për Shëndetin Publik të Malit të Zi.
“Laboratori i departamentit të diagnostikimit molekular të Institutit të Shëndetit Publik të Malit të Zi në bashkëpunim me Institutin e Virologjisë zbuloi dhe konfirmoi rastin e parë të sëmundjes”, thuhet në njoftim.
Autoritetet malazeze të shëndetësisë thanë se “janë marrë të gjitha masat e nevojshme lidhur me pacientin dhe kontaktet e tij, me qëllim të parandalimit të përhapjes së kësaj sëmundje infektive”.
Po ashtu, bëhet e ditur se “të gjitha institucionet kompetente, në përputhje me protokollet kombëtare dhe ndërkombëtare, janë njoftuar për rastin në fjalë”.
Mali i Zi kështu i është bashkuar kështu listës së 79 vendeve ku është regjistruar kjo sëmundje.
Instituti për Shëndet Publik i Malit të Zi u bëri thirrje qytetarëve që të respektojnë masat parandaluese higjienike-epidemiologjike dhe të respektojnë rekomandimet e institucioneve shëndetësore.
“Qytetarët këshillohen të mësojnë për vetë sëmundjen në faqen në internet të Institutit dhe të kontaktojnë mjekun në rast dyshimi për prekje nga lija e majmunit”, thuhet në njoftimin e Institutit të Shëndetit Publik, ku u paralajmërua se në vazhdimësi do të bëhet monitorimi i situatës epidemiologjike në lidhje me linë e majmunëve dhe do të informojë publikun sipas nevojës./VOA
