Diplomati Zoran Milivojeviç duke komentuar deklaratën e shefit të grupit parlamentar Lugina e Bashkuar Shaip Kamberi që ka thënë se “Shqiptarët e Luginës së Preshevës ishin të lumtur pas aktivizimit të idesë për shkëmbimin e territorit mes Kosovës edhe Serbisë” në intervistën për “Kosovo-online”, ku tha se thelbi i këtij tentimi është hapja e çështjes së jugut të Serbisë Qendrore dhe kjo çështje të internacionalizohet, shkruan “Kosovo-online” transmeton “Bota Sot”.
Ngjarjet aktuale politike si në ShBA edhe Evropë e në Prishtinë mund të sjellin presione ndaj Serbisë për të zgjidhur çështjen e statusit të Kosovës. Ai shtroi pyetjen se në emër të kujt flet Kamberi pasi një tezë e tillë afirmon Shqipërinë e Madhe dhe bashkimin e strukturave shqiptare.
Sipas tij, kjo është pjesë e politikës së Tiranës në përpjekjen për bashkuar faktorin shqiptar në këto hapësira, ku shtrihet edhe ideja për Shqipërinë e Madhe.
“Ideja e shkëmbimit të territoreve është vetëm një aspekt i realizimit të synimit për Shqipëri të Madhe, ku punon me vite ministri i jashtëm shqiptar Cakaj, i cili ka qenë edhe në Maqedoni edhe Serbi në prag të zgjedhjeve. Shkëmbimi është ri-afirmim i idesë së Thaçit për të përfituar jugun e Serbisë dhe kjo nuk është asgjë e re, por kthim i saj dhe lidhje me dialogun, që është e papranueshme për Serbinë” tha ai .
Nuk është e pamundur hapja e kësaj teme dhe “para së gjithave e perspektivës së pozitës së shqiptarëve në jug të Serbisë dhe vendosjes së paraleles me çështjen e Asociacionit si pako me shkëmbimin e territorit”. Ajo që për Serbinë është e vetmja e mundshme çështja e Kosovës të mbetet në protektorat të OKB-së dhe respektim të rezolutës 1244, që do të thotë se zgjidhja e statusit të Kosovës të trajtohet në ato baza dhe Kosova të mbetet çështje e Serbisë” tha Milivojeviç.
Ai mendon se është e mundshme ngritja e tensioneve dhe inskenimeve si në 5 tetorin 2000.
“Pasi projekti i ‘shtetit të Kosovës’ nuk jetoj dhe nuk u verifikua, është e mundshme përmes jo stabilitetit të shkohet në vërtetimin e tij dhe të zgjidhet në nivel të politikës diplomacisë dhe drejtës ndërkombëtare, që nuk përjashtohet. Duke pas parasysh presionet e perëndimit dhe relacioneve të ardhshme të Uashingtonit edhe Brukselit me ardhjen e Bajden në krye të ShBA-ve atëherë Serbia do përballet me presionin për njohjen e Kosovës” tha Milivojeviç.
Interesant është edhe deklarata e presidentit francez Makron se çështja e Kosovës dhe zgjidhja e saj është çështje e sigurisë për Evropën.
“Kjo do të thotë se me këtë deklaratë, Kosova de nga korniza që ne trajtojmë sepse nuk ka lidhje me bashkëngjitjen e Serbisë në BE dhe ajo është çështje në vete dhe që tash ngritët nga Makron.Nëse çështja statusore e Kosovës ka rëndësi të veçantë për Evropën, kjo do të thotë se e njëjta vlen edhe për bashkësinë trans-atlantike, që nënkupton përshpejtim të presionit ndaj Serbisë në zgjidhjen në harmoni me BE dhe perëndimin në tërësi” përfundoi Milivojeviç.
