Saturday, February 4, 2023
Lajme

Ngacmohet një vajzë e mitur në Ferizaj, shokët e klasës e prekin nëpër vende intime

9views

Vajzat dhe gratë po vazhdojnë të jenë viktimat më të shpeshta të dhunës në familje, ngacmimeve e sulmeve seksuale. Siguria e vajzave po cenohet edhe në hapësira publike, shkolla, mjete të transportit e në rrugë. Viktima të këtyre rasteve shumë shpesh janë edhe të miturat, siç ka ndodhur dje në Ferizaj.

Burimet brenda Prokurorisë bëjnë me dije për Sinjalin se e gjithë ngjarja dyshohet të ketë ndodhur në një shkollë, ku tre nxënës kanë ngacmuar seksualisht shoqe të klasës.

Të miturit dyshohet se kanë prekur nëpër pjesë intime të trupit bashkëmoshataren e tyre, e cila e shqetësuar ka njoftuar një mësimdhënëse për atë që ka ngjarë.

Rasti më pas është denoncuar edhe në Polici, ku e mitura në prezencën  e prindit të saj ka dhënë deklaratën para hetuesve policorë.

Me urdhër të prokurorit, rasti është iniciuar ‘Ngacmim seksual’.